साउन २३ देखि २९ गते सम्म मेष राशि को राशिफल

२०७८ श्रावण २५, सोमबार २२:४४

मेष ( चु, चे, चो, ला, लि, लु, ले, लो, अ )

यो सातामा पुरानो र रोकिएको काम दोहोर्याएर गर्दा सफलता मिल्नसक्छ । धर्मकर्म तथा समाज सेवामा मन लाग्नेछ । प्रेमसम्बन्ध र प्रणयप्रसङ्गका लागि श्रेष्ठ समय रहेको छ । मध्य सातामा लगनशीलताको कमीले गर्दा ठूलो उपलब्धि हातपार्न नसकिएला । यो साताका लागि शुभ अङ्क ३,५ र शुभ रङ्ग रातो वा हरियो हो । कुनै शुभकर्म गर्नु अघि हनुमानजीको दर्शन गरि यात्रा गर्नाले सफलता मिल्नेछ ।

वृष ( इ, उ, ए, ओ, वा, वि, वु, वे, वो )

यो सातमा नयाँ काम सुरु गर्ने समय छ । बोलीको प्रभाव पनि बढ्नेछ नयाँ कमको थालनी हुनेछ । कसै सैलाई परदेशी घर फर्कने र घरपरिवारमा र रमाइलो वातावरण मिल्नेछ । धर्मकर्ममा मन लाग्नेछ । मध्य सातामा स्वास्थ्य प्रति सजगता अपनाउन एकदमै जरूरी छ । यो साताका लागि शुभ अङ्क ८,९ र शुभ रङ्ग खैरो वा सेतो हो । कुनै शुभकर्म गर्नु पूर्व भैरवीको दर्शन गरि आरम्भ कार्य गर्दा अधिक सफलता मिल्नेछ ।

 

मिथुन ( का, कि, कु, घ, ङ, छ, के, को, हा )

यो हप्ता भाग्यले विभिन्न अवसर जुराउनेछ । अध्ययन अध्यापनको क्षेत्रमा सफल रहने योग छ । शेयर बजारमा गरेको लगानीले राम्रो प्रतिफल देला । कलकारखाना र बन्दव्यापारमा फाइदा हुनेछ । साताको अन्त्यमा बोलीको विपरीत अर्थ लाग्न सक्छ । यो साताका लागि शुभ अङ्क २,९ र शुभ रङ्ग हरियो वा पहेँलो हो । कुनै शुभकर्म गर्नु पूर्व देवाधिदेव महादेवको दर्शन गरि कार्य आरम्भ गर्दा अधिक राम्रो हुनेछ ।

 

कर्कट ( हि, हु, हे, हो, डा, डि, डु, डे, डो )

यो सातामा नयाँ काम वा रोजगारको अवसर मिल्नेछ । उन्नति एवं प्रगतिको वातावरण बन्नेछ । ढिलै भएपनि अधुरा काम सम्पन्न होला । मित्र वा आफन्तको सहयोगबाट मिल्नेछ । बुधवारबाट कामहरू अधुरै रहलान् । लगानी डुब्ने भय छ सचेत रहनु होला । यो साताका लागि शुभ अङ्क ४,८ र शुभ रङ्ग सेतो र रातो हो । शुभकर्म गर्नु पूर्व आफ्नो कुलदेवताको स्मरण गरि कार्य आरम्भ गर्दा शुभ फल प्राप्त हुनेछ ।

सिंह ( मा, मि, मु, मे, मो, टा, टि, टु, टे )

यो सातामा प्रतिष्ठामा दाग लाग्न सक्छ ख्याल गर्नुहोला । अधिकार प्राप्तिका लागि संघर्ष गर्नु पर्ला । अपजस मिल्नसक्ने भएकाले सजग रहनुहोला । बुधवारबाट रमाइलो यात्राको योग रहेको छ । सेयर कारोबारमा रुचि बढ्नेछ । वस्त्र, अलङ्कार आदि खरिद गर्ने योग पनि छ । यो साताका लागि शुभ अङ्क १,५ र शुभ रङ्ग गुलाबी हो । कुनै शुभकर्म गर्नु पूर्व बगलामुखीको दर्शन गरि आरम्भ गर्दा लाभ प्राप्त हुनेछ ।

 

कन्या ( टो, पा, पि, पु, ष, ण, ठ, पे, पो )

एकपछि अर्को अवसर आउनाले मन प्रसन्न रहनेछ । धार्मिक कार्य सफल रहनेछ । प्राविधिक काममा सफलता प्राप्त हुनेछ । वैदेशिक क्षेत्रको काम अघि बढ्नेछ । साताको मध्यमा महत्वपूर्ण कार्यमा व्यवधान आउने देखिन्छ । प्रेमप्रसङ्गमा समेत नरमाइलोपन आउने छ । यो साताका लागि शुभ अङ्क ३,४ र शुभ रङ्ग घ्यू रङ्ग हो । कुनै शुभकर्म गर्नु पूर्व भैरवजीको स्मरण गरि आरम्भ गर्दा शुभ फल प्राप्त हुनेछ ।

 

तुला ( रा, रि, रु, रे, रो, ता, ति, तु, ते )

यो साता मान प्रतिष्ठामा वृद्धि होला । धार्मिक, सामाजिक महत्त्वको क्षेत्रमा भ्रमण हुनसक्छ । रोकिएका काम पुनः सुरु हुन सक्छ । सरकारी जागिरेले बढुवा, प्रशंसा र पुरस्कार पाउनेछन् । धर्मकर्म तथा समाजसेवामा मन लाग्नेछ । यो साताका लागि शुभ अङ्क ३,७ र शुभ रङ्ग निलो वा हरियो हो । कुनै शुभकर्म गर्नु अघि आफ्नो इष्टदेवताको स्मरण गरि कार्य गर्नाले अधिक सफलता मिल्नेछ ।

 

वृश्चिक ( तो, ना, नि, नु, ने, नो, या, यि, यु )

यो साता शुभकार्यको चर्चा चल्नेछ । टाढा रहेका आफन्तसँग प्रविधि मार्फत भेटघाट हुनेछ । धन सञ्चयको अवसर प्राप्त हुनेछ र हराएको आत्मविश्वास जाग्नेछ । कसैलाई सापटी दिएको रकम फिर्ता मिल्नसक्छ । रमाइलो यात्रा पनि हुनेछ । यो साताका लागि शुभ अङ्क १,४ र शुभ रङ्ग सेतो वा पहेँलो हो । कुनै शुभकर्म गर्नु पूर्व वा यात्रा आरम्भ गर्नु पूर्व शिवजीको स्मरण गरि कार्य आरम्भ गर्दा राम्रो हुनेछ ।

 

धनु ( ये, यो, भा, भि, भु, धा, फा, ढा, भे )

यो सातामा गरेको कार्यमा अवरोध आउला । तर्क, विवाद र प्रतिस्पर्धाबाट टाढै रहनु होला । मनमा दबाब र तनाव बढेको महसुस हुनेछ । साताको अन्त्यबाट न्यायिक कार्यमा सफलता मिल्नेछ । पुँजीबजारको क्षेत्रमा रुचि बढ्नेछ । मनमा हर्ष, उमङ्ग र उत्साह छाउला । यो साताका लागि शुभ अङ्क २,९ र शुभ रङ्ग रातो हो । कुनै शुभकर्म गर्नु पूर्व नवग्रहको स्मरण गरि आरम्भ गर्दा अधिक शुभ फल मिल्नेछ ।

मकर ( भो,जा,जि,जु,जे,जो,ख,खि,खु,खे,खो,गा,गि )

यो साता सामाजिक र राजनैतिक क्षेत्रमा सफलता मिल्नेछ । नयाँ सवारी साधन प्राप्तिको योग छ । गरेको काममा सफलता हात पर्नेछ । पार्टनरसिपमा गरिएको कारोबारले राम्रै फाइदा दिनेछ । बुधवारबाट कामहरू अधुरै रहलान् । लगानी डुब्ने भय छ सचेत रहनु होला । यो साताका लागि शुभ अङ्क ५,६ र शुभ रङ्ग निलो वा खैरो हो । शुभकर्म गर्नु पूर्व महादेवको ध्यान गरि कार्य आरम्भ गर्दा शुभ फल प्राप्त हुनेछ ।

कुम्भ ( गु, गे, गो, सा, सि, सु, से, सो, दा )

यो सातामा शुभकार्यको चर्चा चल्नेछ । मान्यजनको सहयोग प्राप्त हुनेछ । धार्मिक गतिविधिमा संलग्न हुने अवसर मिल्नेछ । साताको अन्त्यमा विपरीत वर्ग प्रति आकर्षण बढ्नेछ । आफ्नो अधिकार प्राप्तिका लागि संघर्ष पनि गर्नु पर्ला । यो साताका लागि शुभ अङ्क ५,७ र शुभ रङ्ग खैरो वा पहेँलो हो । कुनै शुभकर्म गर्नु पूर्व विघ्नहर्ता गणेशजीको पूजा अर्चना गरि गरेको कार्यबाट अधिक सफलता मिल्नेछ ।

मीन ( दि, दु, थ, झ, ञ, दे, दो, चा, चि )

यो साता शुभकार्यको चर्चा चल्नेछ । आफूसँग भएको क्षमता प्रदर्शन गर्ने अवसर जुट्ला । परोपकारी कार्यमा संलग्न भइनेछ । धार्मिक र सांस्कृतिक सभासमारोहमा सरिक हुने अवसर मिल्नेछ । रमाइलो यात्रा गर्ने अवसर जुट्न सक्छ । पुँजीबजारको क्षेत्रमा रुचि पनि बढ्नेछ । यो साताका लागि शुभ अङ्क ७,९ र शुभ रङ्ग गुलाबी हो । कुनै शुभकर्म गर्नु पूर्व मृत्युञ्जय भगवानको ध्यान गरि आरम्भ गर्दा अधिक लाभ मिल्नेछ ।

 

143 Views
प्रतिक्रिया दिनुहोस्

2020 Copyrights Reserved at centralkhabar.com

Designed & Developed By CenTech Nepal