माओवादीको टुप्पी अर्कैको हातमा छ : ओली

54

अखिल नेपाल महिला संघको बैठकलाई भर्चुअल माध्यमबाट सम्बोधन गर्दै ओलीले शेरबहादुर देउवा सर्वोच्च अदालतको परमादेशबाट प्रधानमन्त्री हुनुमा विदेशीको पनि हात रहेको टिप्पणी गरेका हुन् । संविधानको अपव्याख्या गरी परमादेशबाट प्रधानमन्त्री बनेर देशलाई दुरगामी असर पार्ने काम गरेको भन्दै यसमा अन्तर्राष्ट्रिय शक्तिको पनि हात रहेको बताए ।

नेकपा माओवादी केन्द्र अरुबाट प्रभावित भइरहेको आरोप लगाएका छन् । उनले नाम उल्लेख नगरी माओवादीको टुप्पी अर्कैको हातमा रहेको टिप्पणी गरेका हुन् ।

‘माओवादीको टुप्पी अर्कैको हातमा छ ,’ ओलीले भने । उनले माओवादी एमालेविरुद्ध षड्यन्त्रमा लागेको आरोप समेत लगाए । तर, एमालेभित्रै केही नेताहरु माओवादीसँग मिलेर षड्यन्त्रमा लागेको उनको आरोप थियो ।

माओवादी एमाले फुटाउने षड्यन्त्रमा लागेको संकेत गर्दै एमाले भन्नेहरु नै अन्तरघात गर्ने र पार्टीलाई ध्वस्त बनाउनतर्फ लागेर गम्भीर षड्यन्त्रमा संलग्न भएको आरोप लगाए ।

Facebook Comments Box