एमाले अन्तरविरोध साम्य हुने दिशातर्फ

२०७८ असार १६, बुधबार २१:१३
काठमाडौँ, १६ असार : नेकपा (एमाले) को आज सम्पन्न दसौँ राष्ट्रिय महाधिवेशन आयोजक समिति बैठकले महाधिवशन आयोजक समिति भङ्ग गरी पूर्ववत् केन्द्रीय कमिटी कायम रहने निर्णय गरेपछि पार्टीभित्रको अन्तरविरोध साम्य हुने ठानिएको छ । प्रधानमन्त्री निवास बालुवाटारमा सम्पन्न बैठकले यो निर्णय गरेसँगै एमाले विभाजनको खतरा टरेको हो तर असन्तुष्ट पक्षका नेता माधवकुमार नेपालसहितका नेताहरु यही असार १८ गतेका लागि तोकिएको केन्द्रीय कमिटीको बैठकमा सहभागि हुने अझै सुनिश्चित भइसकेको छैन ।

नेपालनिकट स्थायी कमिटीका सदस्यहरु अनौपचारिक छलफलमा जुटेका छन् भने संस्थापन र नेपाल पक्षका दोस्रो तहका नेताहरु केन्द्रीय कमिटी बैठक डाकिएको सन्दर्भमा आपसी संवादलाई निरन्तता दिन थालेका छन् । एमालेले यसअघि गरिएको नेताहरुको कारबाही स्वतः निष्प्रभावी हुने पनि जनाइसकेको छ । एमालेले माओवादी केन्द्रसँगको एकतापुर्वको केन्द्रीय कमिटीको बैठक यही असार १८ गते आव्हान गर्ने निर्णय गरेको छ । पार्टीका प्रवक्ता प्रदीपकुमार ज्ञवालीले माओवादी केन्द्रसँगको केन्द्रीय कमिटीमा पूर्व मओवादीबाट आएका नेताहरुलाई थप गरेको छ ।

एमालेका प्रवक्ता प्रदीप ज्ञवालीका अनुसार पार्टीको स्थायी कमिटीमा नेताहरु रामबहादुर थापा, टोबहादुर रायमाझी, लेखराज भट्ट, मणि थापा, विष्णु रिमाल, रघुवीर महासेठ, रघुजी पन्त र वेदुराम भुसाललाई थप गरिएको छ । उहाँले पार्टीका सबै कामलाई महाधिवशनकेन्द्रित गर्न आयोजक कमिटी गठन गरिएकमा सर्वाेच्च अदालतको एक फैसलाले आयोजक कमिटीको क्षेत्राधिकारमाथि प्रश्न उठाएको केन्द्रीय कमिटीमा रुपान्तरण गरिएको बताउनुभयो । बैठकमा पार्टीका अध्यक्ष एवं प्रधानमन्त्री केपी शर्मा ओलीले राष्ट्रियता, लोकतन्त्र, विकास निर्माण आदि विषयमा सरकारले गरेका राम्रा कामका कारण सरकार र एमाले जनतामा लोकप्रिय हुँदै गएको बताउनुभएको थियो ।

उहाँले नेपालप्रति विश्वको ध्यानाकर्षण भएको स्थितिमा सरकारलाई असफल बनाउन पार्टीभित्रैबाट चलखेल भएको तर देशलाई स्थिरता दिनेतर्फ सुदृढ कदम चाल्न आफूहरु प्रतिबद्ध भएको बताउनुभयो । पार्टीभित्र केह िव्यक्तिहरु जालझेल र तिकडम गरेर विपक्षीको साँगगाँठमा लागेको उहाँको आरोप थियो ।

199 Views
प्रतिक्रिया दिनुहोस्

2020 Copyrights Reserved at centralkhabar.com

Designed & Developed By CenTech Nepal